هذة المدونة هى المساعدة الحقيقية و المجانية للحصول على الجرين كارد ساساعدكم فى الحياة و العيش و العمل و ايضا الدراسة فى امريكا معنا سوف تتغير حياتك فقط يجب ان يكون لديك الرغبة فى تغيير حياتك و الله الموفق

السبت، 30 أغسطس 2008

خطوات نجاحك فى امريكا

1- الهدف والصبر...... بمعنى انك بعد ماتعرف البلد تحدد هدف وتسعى من أجله بدون يأس البلد دى فيها تكافوء فرص والى هايتعب فيها هايلاقى بس يتعب بعقل وبهدف مش يتعب من غير هدف .
2- الثقه بالنفس ...... الثقة بالنفس مطلوبه جدا بدون فهلوة يعنى لو واثق انك عارف فى حاجه قول انك عارف فيها وبثقه مش عارف قول مش عارف عادى من غير فهلوه .
3- التعليم .... بعد ماقولنا الهدف والصبر والثقه بالنفس اتمنى ان كل واحد يكون هدفه التعليم لان هو ده الى هايغير حياتك فى امريكا 180 درجه وفى كذا طريقه عشان تتعلم مش قضية فلوس الفلوس ممكن تستلفها بقروض بس ليه التعليم لعدة اسباب اولها انك هاتفرض نفسك على البلد هاتتعلم صح هاتعمل فلوس صح مش ابو 8 و 10 دولار فى الساعه لا هاتعمل فلوس حلوه على حسب الى درسته ومستواك وخبرتك .
4- اوعى تسيب حقك وتخاف البلد دى فيها القانون فوق الجميع تعرضت لظلم لازم تتطالب بحقق لو امريكى شتمك اشتمه لو ضربك اضربه حد اكل فلوس عليك اشتكيه وهكذا المهم اوعى تسيب حقك وتحس انك بلاقيمه .
5- ربنا كرمك وبقيت مرتاح اوعى تنسى اهلك اوعى تسيب محتاج وماتساعدوش اى محتاج مصرى امريكى اى حد لانك وجهة لبلدك الام سواء رجعت مصر او لا فى غيرك جاى من مصر لازم تخليهم يحترموا المصريين فى ناس هاتقولى ياعم المصريين فى الغربه بيقطعوا بعض وكده لا الكلام ده مش صح اطلاقا الناس كلها فيها الصالح والطالح .
اى سوال اتفضلوا وانا هابقى اجاوب بالى اعرفه بس .
منقول من موقع www.dvd4arab.com

الأربعاء، 27 أغسطس 2008

القرعة العشوائية Green Card

يبدأ تقديم الطلبات للقرعة العشوائية لهجرة 2010 فى الثالث من شهر اكتوبر2008 ممكن تتقدم يومين او تتأخر يومين دة بمزاجهم و يستمر التقديم لمدة ستون يوما بالتمام و الكمال و معنى كلمة هجرة 2010 يعنى الفترة من شهر اكتوبر 2009 الى نهاية سبتمبر 2010هى دى تعتبر هجرة 2010 يبدأ التقديم لها فى اكتوبر 2008 يعنى السنة دى و تكون قرعة عشوائية بين دول العالم كلها بإستثناء الدول التى وصل عدد المهاجرين منها خلال الخمس سنوات الاخيرة الى 50.000 مهاجر و طبعا دة لا ينطبق على ايه دوله عربية متخافوش انا متابع التقديم للهجرة العشوائية مجانى 100% من خلال موقع http://www.dvlottery.state.gov/لكن طبعا الموقع متوقف هذة الايام حتى فتح باب التقديم لهجرة 2010و علشان تقدر تعرف انك مؤهل و الا لأ اولا لازم تكون امضيت 12 سنة فى التعليم يعنى يكون معاك دبلوم او ثانوية عامة على الاقل و دة يعتبر نفسة سافر لو كسب فى القرعة او يكون معاك شهادة خبرة فى مهنة تحتاجها الولايات المتحدة خبرة لمدة سنتين على الاقل و المهن دى بتتغير كل سنة حسب متطلباتهم و بيعلنوا عنها و من خلال استمارة التقديم اكتب كل معلوماتك الى هما طالبنها بكل صراحة ووضوح لان الجماعة الامريكان دول مقفلين شوية و لو لقوا اجابة مختلفة شوية عن الحقيقة بيعتبروا دة كدب و ما ينفعش معاهم الاعذار المصرية ابدا يعنى ممكن يعملوا مصايب الدنيا كلها عادى انما الكدب يبقي مش هتدخل امريكا عمرك ثم تتصور صورة فى استوديو محترم يكون المصور فيه بيفهم و تقولوا عاوز صور 5×5 سم و لما تسحبهم على الاسكانر يكون وضوح الصورة 300×300 اللى اسمها ريزيليوشن و ما تنساش لو كنت متزوج و حتى لو مش ناوى تاخد معاك حد لازم تذكر انك متزوج و عدد اولادك كمان و بالمناسبة لو الواحد متزوج و زوجتة متعلمة تبقى فرصتة افضل لانة ممكن يقدم طلبين و تزيد فرصة قبولة يعنى طلب باسمة و زوجتة مرافقة معة و طلب باسم زوجتة و هو مرافق معاها انما اوعى حد يقدم اكتر من طلب باسمة لوحدة لان بكدة بيحذفوا كل طلبات سيادتك و تفضل تتابع صفحات الموقع بتاع التقديم لغاية ما تظهر لك رسالة التهنئة بانك تم تسجيلك طيب نعرف منين اننا كسبنا يبدأ ارسال خطابات الفوز بالقرعة فى منتصف شهر ابريل من السنة التالية و حتى نهاية شهر يوليو و لا يوجد وسيلة اخرى لمعرفة الفائزين غير الخطاب اللى بيوصلك و بالبريد العادى كمان بعد كدة لو كسبت بإذن الله بيكون موجود جوة الخطاب استمارات بعدد الاسماء الفائزة يعنى انت و اى مرافقين معاك و بتملا الاستمارات دى و ترسلهم تانى بسرعة الى عنوان فى ولاية كنتاكى الامريكية و العنوان اساسا موجود على استيكر جوة الجواب اوعى حد يبعت لمحلات الفراخ اللى عندنا كنتاكى دى ولاية امريكية فيها الهيئة اللى مسئولة عن موضوع القرعة العشوائية طبعا فى الخطاب دة هتلاقى اسمك و رقم فوزك بالقرعة لو لقيت رقمك اقل من 25.000 احمد ربنا لان كدة فرصتك فى السفر كبيرة طيب لية مش الهجرة مطلوب 55.000 فى سحب النتيجة بيسحبوا بدل 55.000 بيسحبوا 100.000طيب ليه لان ممكن يكون فيه حد بيلعب على النت و لقى الموقع قام مسجل فيه و كتب اى حاجة و كسب واحد تانى يسجل و يكتب عنوان غلط فالجواب ما يوصلهوش و امثلة كتيرة فوق دة كله هتلاقى فى جدول المقابلات بالسفارة الامريكية بالقاهرة عدد السودانيين اللى بيخلصوا ورقهم من القاهرة اكتر من عدد المصريين لان طبعا السودان فيها مشاكل فبيعملوا مقابلاتهم فى مصر المهم بعد ما تبعت الجواب الى كنتاكى تبدأ المقابلات فى اول اكتوبر من السنة اللى جالك فيها الجواب الاول يعنى اكتوبر 2009و حتى نهاية سبتمبر 2010و المقابلات حسب ترتيب ارقام الهجرة قبل ميعاد المقابلة بتاعتك هتلاقى جالك جواب تانى فية استمارات الكشف الطبى و التطعيم و الاشعة و هتلاقى فية ميعاد المقابلة و ممكن تتابع ميعادك على الانترنت قبل ما يصلك الجواب التانى دة من موقع السفارة فى مصرhttp://cairo.usembassy.gov/consular/iv8.htm طبعا اماكن الكشف الطبى و التطعيمات و الاشعة فى اماكن السفارة هى اللى محدداها علشان محدش يلعب بديلة و لو فكرت تدى الدكتور قهوتة و تقولة لو عندك حاجة يصهين عنها هايبيعك و يحط لهم جواب بالكلام دة فى اوراقك اللى بتاخدها منه مغلقة و فى السفارة هما اللى بيفتحوها اصلة مش هيضحى بالتعاقد مع السفارة الامريكية علشان حضرتك و بعدين بتروح المقابلة فى ميعادك بتلاقى ناس زى الفل بيستقبلوك و احسن معاملة و لو عايز تكون المقابله كلها بالعربي مفيش مانع و الله الموفق اه نسيت المصاريف اولا التقديم مجانى ثانيا الكشف الطبي للفرد الواحد ممكن يوصل 800 جنية شامله الاشعة و التطعيمات لو الدكتور سألك جالك جدرى مائي قبل كدة و انت صغير ( لو كان حصل قول الحقيقة علشان لو قلت لا هيطعمك ضد الجدرى كمان) و بعدين مصاريف المقابة للشخص الواحد السنة دى 775 دولار و ياريت تعمل حسابك فى دولارات و انت داخل المقابلة علشان لو معاك فلوس مصرى هتلاقى الدولار جوة بستة جنية مع انه فى البنك 5.33 تقريباو ربنا يوفقنا جميعا و اسف على الاطالة و اتمنى انى اكون كفيت ووفيت
منقول من موقع www.dvd4arab.com

التقديم على فيزا خطيب k1 خطوة بخطوة لخطيبك الأجنبى (غير حامل للجنسية الأمريكية)

التقديم على فيزا خطيب k1 خطوة بخطوة لخطيبك الأجنبى (غير حامل للجنسية الأمريكية)
إن شاء الله سوف أشرح طريقة لاختصار الوقت شهراً كاملاً (وذلك بعدم الانتظار حتى يرجع مقدم الطلب إلى أمريكا لإرسال باكدج I-129F ولكن سيتم الارسال من بلد المستفيد
بداية سوف نعتبر أن مقدم الطلب (حامل الجنسية الأمريكية) مازال فى أمريكا، المستفيد (فى مصر كمثال)
الخطوة الأولى:مرحلة الأعداد:ما على مقدم الطلب أن يفعله:- تحميل ملف نموذج I-129F وتعليمات ملأه ونموذج G-325A- قراءة التعليمات جيداً- تحضير المستندات الآتية:شهادة الميلاد، الباسبور، شهادة الطلاق من المحكمة (الحكم النهائى)، شهادة الوفاة فى حالة وفاة الزوج السابق، تأشيرة دخول مصر (يمكن أخذ التأشيرة فى مطار القاهرة، وأرى ذلك أسهل من ارسال الباسبور للقنصلية المصرية وأخذ التأشيرة وما يحمله من مخاطر ضياع الباسبور فى البريد قد تؤخركم)- صورة فوتغرافية (كصورة الباسبور)- فى حالة تغيير الاسم عن ما هو موجود فى المستندات، مستند قانونى يثبت تغيير الاسم. - ارسال مبلغ $455 إلى مكتب خدمات المواطنة والهجرة والاحتفاظ بما يثبت ارسال المبلغ وإحضاره مصر معك لإرسال صورة منه مع باكدج I-129F، أما فى حالة ارسال شيك، لا يتم ارسال الشيك إلا مع الباكدج I-129F
ما على المستفيد أن يفعله:- تحميل ملف نموذج I-129F وتعليمات ملأه، ونموذج G-325A بالأخص- قراءة التعليمات جيداً- تحضير المستندات الآتية:شهادة الطلاق ، شهادة الوفاة فى حالة وفاة الزوج السابق، - صورة فوتغرافية (كصورة الباسبور)- فى حالة تغيير الاسم عن ما هو موجود فى المستندات، مستند قانونى يثبت تغيير الاسم.
===============(1) نموذج I-129F Petition for Alien Fiance(e) [USCIS Instructions]التماس لخطيب أجنبى (غير أمريكى الجنسية)http://www.uscis.gov/files/form/I-129F.pdf(الملف بالمرفقات)
(2) نموذج G-325ABiographic Informationمعلومات خاصة بسيرة الحياةhttp://www.uscis.gov/files/form/g-325a.pdf(الملف بالمرفقات)
(3) تعليمات ملأ نموذج I-129Fhttp://www.uscis.gov/files/form/I-129Finstr.pdf(الملف بالمرفقات)
يجب التأكد من النماذج الصحيحة دائماً من هذا الموقعhttp://www.uscis.gov/portal/site/uscis
=====================================الخطوة الثانية:مقدم الطلب وصل إلى مصر بسلامة الله
قائمة بالمستندات التى سوف يجمعها ويرسلها (مقدم الطلب) مع باكدج I-129F(1) مستند يفيد تسديد المبلغ المطلوب إلى مكتب خدمات المواطنة والهجرة USCIS، يمكنك الدفع بشيك شخصى حتى تستطيع تتبعه، وكذلك يمكنك الدفع عن طريق أوامر الدفع، كأن ترسل بالمانى جرام MoneyGram، أو ويسترن يونيون، وفى هذه الحالة ترسل صورة من أمر التوريد، أما فى حالة الشيك،
فترسل الشيك الأصلى نفسه.- المبلغ المطلوب دفعه هو $455ويمكن التأكد دائماً من المبلغ المطلوب دفعه من هذا الموقع لأى نموذج، وما يهمنا هنا هو نموذج I-129Fhttp://www.uscis.gov/portal/site/uscis
(2) خطاب لشرح وذكر محتويات الباكدج، بداية يذكر نوع الطلب (I-129F)، ثم يذكر كل محتويات الباكدج، شرح أى معلومة إضافية إن لم تجد مكان فى النموذج المرفق، وأخيراً التوقيع من مقدم الطلب والتاريخ.( فى المرفقات سوف تجد مثال للخطاب )
(3) نموذج I-129F يملأه مقدم الطلب( فى المرفقات مثال على النموذج (ملف pdf) )
(4) شهادة خطية بالطريقة التى تقابلتم بها فى خلال آخر سنتين، وهذه الورقة تكتب منفصلة وتكون خاصة بالسؤال رقم 18 بنموذج I-129F، تأكد من توقيعها وكذلك التاريخ.
(5) إفادة أو إقرار من الطرفين (مقدم الطلب والمستفيد) تقر بأنك تنوى الزواج من خطيبك أو خطيبتك خلال الـ 90 يوماً الأولين من دخول المستفيد الولايات المتحدة بتأشيرة خطيب k1- كلاً من مقدم الطلب والمستفيد يقوم بكتابة إقرار فى ورقتين منفصلتين(فى المرفقات مثال للإقرار)
(6) دليل على مقابلتكم بعضكم بعضاً فى خلال السنتين الأخرتينأمثلة: 1- صورة من تذكرة الطيران، - صورة من الباسبور توضح خاتم الدخول للمطار، يجب أن يكون التاريخ واضحاً. ويمكنك أن تشير إلى التاريخ حتى تسهل مهمة من يراجع طلبك. أو أن تعلم بقلم تحديد على المعلومات والتاريخ الذى يثبت مقابلتكم بعضكم بعضاً. - يمكنك أن تنزع اللاصق الذى على شنطة السفر، ويكون موضحاً بها اسم المسافر (مقدم الطلب) وتاريخ السفر والجهة المسافر منها وإليها، أرسل صورة منه.2- من 2 إلى 4 صورة تظهر فيها أنت وخطيبتك معاً، ولا تنسى أن تكتبوا أسمائكم من الخلف، مكان التصوير والتاريخ، يستحسن أن تضع الصور فى كيس بلاستيك، ولابد أن تعرف أنك لن تسترد هذه الصورة مرة أخرى3- (هذا ليس دليل على المقابلة ولكنه دليل أنكم تعرفون بعضكم بعضاً من فترة) أى أيميل أو خطاب، فواتير اتصال ويكون واضح بها رقم الطرف الآخر، كارت أرسلته بالبريد العادى.
(7) نموذج G-325A (الأربع ورقات كلهم) ويملأ بمعرفة مقدم الطلب (حامل الجنسية الأمريكية) والتوقيع على النموذج بمعرفة مقدم الطلب) والتاريخ أيضاً(فى المرفقات مثال للنموذج)
(8) صورة واحدة فوتغرافية بمواصفات خاصة (كصور الباسبور) لمقدم الطلب (حامل الجنسية الأمريكية) يكتب الاسم بالكامل لمقدم الطلب خلف الصورة ثم توضع الصورة فى كيس بلاستيك ويكتب على الكيس (صورة اسم مقدم الطلب) وترفق خلف نموذج G-325A(مرفق ملف pdf بمواصفات الصورة وكيفية إخراجها بالصورة الصحيحة)
(9) نموذج G-325A (الأربع ورقات كلهم) ويملأ بمعرفة المستفيد (الذى ستصدر له تأشيرة خطيب K1) والتوقيع على النموذج بمعرفة المستفيد والتاريخ أيضاً(فى المرفقات مثال للنموذج)
(10) صورة واحدة فوتغرافية بمواصفات خاصة (كصور الباسبور) لمقدم الطلب (حامل الجنسية الأمريكية يكتب الاسم بالكامل لمقدم الطلب خلف الصورة ثم توضع الصورة فى كيس بلاستيك ويكتب على الكيس (صورة اسم المستفيد) وترفق خلف نموذج G-325A(مرفق ملف pdf بمواصفات الصورة وكيفية إخراجها بالصورة الصحيحة)
(11) صورة من شهادة الميلاد (من الأمام والخلفية) لمقدم الطلب (حامل الجنسية الأمريكية) أو صورة لكل صفحات باسبور مقدم الطلب، وهذا كإثبات لجنسية مقدم الطلب.(يفضل ارسال صورة شهادة الميلاد (من الأمام والخلفية) وكذلك صور من كل صفحات الباسبور)
(12) صورة من الحكم القضائى النهائى للطلاق بالنسبة للطرفين (مقدم الطلب والمستفيد) إن وجد، أو شهادة الوفاة للزوج أو الزوجة السابقة للطرفين إن وجد.
(13) إثبات بتغيير اسم أحد الطرفين لأى سبب ما، فى حالة استخدام اسم مغاير لأسمه المثبت فى المستندات، يجب ارسال المستندات القانونية التى تثبت تغيير الاسم، كشهادة زواج أو حكم قضائى بالتبنى.
(14) كتابة ورقة منفصلة للإجابة على بعض أسئلة النموذجين I-129F و G-325A فى حالة عدم وجود مساحة كافية للإجابة.
ملاحظات: 1- قبل إرسال الباكدج يتم تصوير كل المستندات التى سوف ترسلها نسختين، يحتفظ مقدم الطلب بصورة ويحتفظ المستفيد بصورة، وذلك للتسهيل.2- كل النماذج تكون نسخ أصلية، والتوقيع أيضاً على كل النماذج3- احتفاظ مقدم الطلب بكل المستندات الأصلية التى أرسلت صورها، لترسلها إلى مكتب خدمات المواطنة والهجرة فى حال طلبها للإطلاع عليها.4- الكتابة على صور المستندات بما يدل على ما يحويه هذا المستند
===============
* يتم ارسال الباكدج بعلم وصول (تأكيد وصول) إلى العناوين القادمة (على حسب ولايتك)
ساكنى هذه الولاياتAlaska, Arizona, California, Colorado, Guam, Hawaii,
Idaho, Nevada Illinois, Indiana, Iowa, Kansas, Michigan,
Minnesota, Missouri, Montana, Nebraska, North Dakota,
Ohio, Oregon, South Dakota, Utah, Washington, Wisconsin
and Wyoming.
فى حال استخدام USPS (خدمة البريد الأمريكية)يرسل إلى
كود بلغة HTML:USCISCalifornia Service CenterP.O. Box 10130Laguna Niguel, CA 92607-0130فى حال استخدام خدمة بريد خاصة غير الـ USPS يرسل إلى
كود بلغة HTML:USCISCalifornia Service Center24000 Avila Road2nd Floor, Room 2312Laguna Niguel, CA 92677===================
ساكنى هذه الولاياتAlabama, Arkansas, Connecticut, Delaware,Florida,
Georgia, Kentucky, Louisiana, Maine, Maryland,
Massachusetts,Mississippi, New Hampshire, New Jersey,
New Mexico, New York,North Carolina, Pennsylvania,
Puerto Rico, Rhode Island, South Carolina, Oklahoma,
Tennessee, Texas, Vermont, Virginia, U.S. Virgin
Islands, West Virginia, and the District of Columbia.
فى حال استخدام USPS (خدمة البريد الأمريكية) أو استخدام البريد الخاصيرسل إلى
كود بلغة HTML:USCISVermont Service CenterAttn: I-129F75 Lower Welden StreetSt. Albans, VT 05479-0001ملحوظة: لو أن مقدم الطلب (حامل الجنسية الأمريكية) يعيش خارج الولايات المتحدة، يرسل الباكدج على
حسب آخر ولاية كان يعيش بها
لو أنك قمت بإتباع التعليمات والخطوات كما شرحتها إن شاء الله أضمن لك سلامة الإجراءات وأن طلبك سيتم الموافقة عليه بإذن الله تعالى

منقول من موقع www.dvd4arab.com

النماذج والمستندات المطلوبة فى الخطوة رقم 2،1 كما موضح بالصورة


النماذج التى سوف يتم ارسالها (الخطوة رقم 2)(1) I-129F Petition for Alien Fiance(e) [USCIS Instructions]التماس لخطيب أجنبى (غير أمريكى الجنسية)http://www.uscis.gov/files/form/I-129F.pdf(2) G-325ABiographic Informationمعلومات خاصة بسيرة الحياةhttp://www.uscis.gov/files/form/g-325a.pdfتستطيع أن تملأ النموذجين على الكمبيوتر ثم طباعتهم على طابعة، وما لا تستطيع أن تكتبه على الكمبيوتر يمكنك كتابته بخط يدك .. خط واضح بقلم أسود .. أو أنك تستطيع طباعة النماذج فارغة وكتابتها بخط يدك ويكون خط واضح بقلم أسود.يجب التأكد من النماذج الصحيحة دائماً من هذا الموقعhttp://www.uscis.gov/portal/site/uscisتعليمات ملأ نموذج I-129Fhttp://www.uscis.gov/files/form/I-129Finstr.pdf

منقول من موقع www.dvd4arab.com

المطلوب فى اول مشوار ال CR-1

المطلوب فى اول مشوار ال CR-1
اذا كانت الزوجة هتقدم طلب الهجرة فى مصر
صورة ليك و للمدام خمسة فى خمسة خلفية بيضاء
عقد الزواج مترجم للانجليزية و يفضل تاخد معاك اكثر من نسخة
باسبورك انت و المدام و صورهم برضوشهادة ميلادك و ترجمها برضو ووثقها فى الخارجية
صور ليك انت و المدام صور كتير على قد ما تقدر او اى جوابات كانت بينكم استهدى بالله كده و ربنا هيكرم
بالنسبة للترجمة :-
( للمقيمين فى الاسكندرية )
روح مكتب الناضورى و نحاس ..ده فى شارع السلطان حسين فى الازاريطة فوق حلوانى جنواز هياخد منك 30 جنيه فى ترجمة الورقة الواحدة بس شغلهم كويس و راجع عليهم بعد ما يترجموا و المكتب ده معتمد من السفارة الامريكية وموجود على موقعهم
(للمقيمين فى القاهرة )
مبنى وزارة العدل فى لاظوغلى
قبل ما تسافر للمقابلة ان شاء الله اتاكد ان معاك رقم المفابلة عشان هتستخدمو فى الدخول هناك هيوقفوكم صفين
(صف للهجرة و صف للسياحة ) تكون هناك من 7 الصبح احتياطى و تاخد معاك مياه معدنية و عصير و سجاير كفاية لو انت مدخن عشان ممكن القعدة تطول تكون هادى و اتكلم بثقة و ابتسم
اهم من كل شىء استمارة I-130 و استمارة G325
المدام اللى هتملاهم بالنيابة عنك و اطبعهم من على النت و حافظ عليهم لانهم مطلوبين فى المقابلة و خد معاك حوالى 450 دولار
( المطلوب 355 دولار بس ) بس احتياطى و كمان 55 جنيه لل Dhl عشان لما يبعتولك الورق ان شاء الله هتخلص المقابلة ان شاء الله هتكون جعان اطلع من السفارة و اتمشى 5 دقايق بس هتلاقى هاردييز روح كل هناك و بالف هنا
بعد كده هتنتظر 6 شهور تقريبا عقبال ما الهوم لاند سيكيورتى يعملوا تشك على بياناتك و يتاكدوا ان كلوا تمام ان شاء الله ...
منقول من موقع www.dvd4arab.com

الحلقة الثانية لخطوات الحصول على تأشيرة خطيب/ خطيبة k1

اضغط على الصورة لتكبيرها
للامانة الموضوع منقول من قسم المغتربين بموقع dvd4arab
http://www.dvd4arab.com/showthread.php?t=946301&page=5

الحلقة الأولى فى خطوات الحصول على تأشيرة خطيب / خطيبة الـ k-1

اضغط على الصورة لتكبيرها
للامانة الموضوع منقول من قسم المغتربين بموقع dvd4arab
http://www.dvd4arab.com/showthread.php?t=946301&page=5



تأشيرة الخطيب k1

بالنسبة لتأشيرة الخطيب k1
سوف يأتيك مظروف من السفارة به كل المطلوب من مستندات وهى كالتالى:
1- نموذج رقم (DS-156K)
2- نموذج رقم (DS-156) من نسختين
3- نموذج (DS-157) يجب الإجابة على جميع الأسئلة بدون استثناء
- صورة من جواز السفر (الباسبور) وأفراد عائلتك المصاحبين
- صورة من شهادة الميلاد (الأصل ستأخذها معك يوم المقابلة ليطلعوا عليها)
- أصل صحيفة الحالة الجنائية (لكل متقدم بلغ سن السادسة عشر) صحيفة حالة جنائية مطلوبة أيضاً من الدول التى سبق لك الإقامة بها لمدة عام أو أكثر
.- صورة من شهادة المعاملة العسكرية (الأصل ستأخذها معك يوم المقابلة ليطلعوا عليها) (إذا كانت تنطبق عليك)
- نموذج OF-134 من القريب (مقدم الطلب) المقيم بالولايات المتحدة الأمريكية واثبات دخله مثال خطاب من عمله أو صور من شيكات القبض أو اثبات وجود عمل خاص به أو صورة من آخر سجل الضرائب أوتقديم اثباتات مالية خاصة بالمتقدم للسفر تكفى لإعالته وباقى أفراد أسرته فى الولايات المتحدة
- 2 صورة ملونة لك ولكل أفراد عائلتك المصاحبين يجب أن تكون مواجهة للكاميرا مع خلفية فاتحة اللون، يفضل اللون الأبيض
- المظروف الخاص بتقرير الكشف الطبى بدون ارسال مظروف الأشعة(يجب عدم فتح المظروف)
- ايصال تسديد الرسوم فى أى فرع من فروع البنك التجارى الدولى (CIB)
الرسوم : ما يعادل 131 دولار بالعملة المحلية كل هذه المستندات ترسلها بالـ DHL للسفارة، وبتدفع مقابل الارسال ومقابل الرد من السفارة بتدفع حوالى 50 جنيهاً للإثنين
منقول من موقع www.dvd4arab.com

انواع تأشيرات الهجرة

بالنسبة اللى مقدم على تأشيرة هجرة من أى نوع فى هذا الموقع سوف تجد مواعيد تقدم الطلبات والإلتماسات الخاصة بالهجرة
سوف تجد ثلاث إختيارات سوف نختار اللى فى الوسط ونحدد المنطقة التى تم فيها تقديم طلبك أو إلتماسك وهم أربعة مناطق
California Service Center
Nebraska Servic Center
Texas Service Center
Vermont Service Center
بعد تحديد أحد الأربعة مناطق إضغط على
Processing Dates
هنا تجد الموقع

مواعيد المقابلات بالسفارة الامريكية بالقاهرة

هذا الرابط من موقع السفارة الأمريكية بالقاهرة وهنا يمكنك الإطلاع على مواعيد المقابلات الخاصة بتأشيرات الهجرة بأنواعهاhttp://cairo.usembassy.gov/consular/iv8.htm أرجو من الله التوفيق للجميع

تابع : معلومات مهمة جداً لمن عنده مقابلة فى السفارة الأمريكية



الأسئلة الشائعة الخاصة بمقابلة الخطيب (يمكن أن ينطبق معظمها على الزوج)-
يجب أن تعرف اسم خطيبتك نطقاً وكتابة،
لأنك ستكتب اسمها على أحد الاستمارات التى ترسلها إلى السفارة وستوقع أمام القنصل على الاستمارة
- رقم تليفونها يجب أن تحفظه- الدبلة فى اليد اليمنى للخطيب واليسرى طبعاً للزوج
* الأسئلة الموجهة من القنصل
1- هل قرأت ما هو موجود فى الاستمارات وقمت بملئها بنفسك؟
2- هل تقر بأن جميع إجاباتك صحيحة؟
3- أين تعرفت على خطيبتك ومتى وكيف؟
4- كيف تم أول لقاء بينكم؟ ومتى؟
5- ما المدة التى أقامت بها فى مصر؟ وأين أقامت؟
6- هل أهلك موافقين على الزواج؟
7- (فى حالة وجود فرق سن) ما رأى أهلك فى فرق السن؟ ورأيك؟
8- (فى حالة اختلاف الديانة) ما رأى أهلك ورأيك؟
9- هل معك خطاب أو إيميل من خطيبتك؟
يستحسن أن يكون خطاب أو إيميل حديث أو أكثر من إيميل،
وكذلك إيميل من فترة، خد معك ما تقدر عليه
10- ماذا تعمل خطيبتك؟
11- أين تعمل؟وماذا تعمل الآن؟
12- هل قمت بزيارة أمريكا من قبل؟
13- من هو الضامن لك (المتكفل) Sponsor
14- أين تنوى أن تعيش فى أمريكا؟
15- ما هى خططك بالنسبة لمجال العمل؟
المهم أى معلومة أرسلتها أنت أو أرسلتها خطيبتك إلى شئون الهجرة أو السفارة تخصك أو تخص خطيبتك أو تخص الكفيل، يجب أن تعرفه اوبالتوفيق للجميع وأخيراً التوفيق والقبول من عند الله

تابع : معلومات مهمة جداً لمن عنده مقابلة فى السفارة الأمريكية



بسم الله الرحمن الرحيم
تابع ملاحظات هامة:
(بالتفصيل للى مارحش قبل كده السفارة)-
معلومة بعيدة عن السفارة
(مترو الأنفاق بيبدأ الساعة 5:30 ص)-
الحضور إلى السفارة مبكراً فى الميعاد (الساعة 7:30 ص)
ومعك جواب السفارة الذى تم ارساله إليك وبه الموعد-
سيقول لكم موظف السفارة إعملوا طابورين (طابور للزيارة والسياحة، وطابور آخر للهجرة)
بجوار الكشك الخشب الذى به العسكرى- بيسألك الموظف كام واحد مقدم على التأشيرة،
ويأخذ منك الجواب ويكتب العدد، ثم يعطيك الجواب مرة ثانية.-
فى واحد تاني بيتأكد من اللى مكتوب على الجواب،
وبيقول لك لو معاك موبايل أقفله وهتسلمه لموظف أو موظفة عندما تدخل.
- بعد كده بتدخل من البوابة الحديدية الخارجية وبتحط حاجاتك اللى معاك على الكاونتر،
علشان الموظف أو الموظفة يفتشها، وبتديله الموبايل وبيديلك رقم علشان وإنت خارج تاخد موبايلك
- وبعدين بتعدى من باب الأمن الذى يكشف أى حاجة معدنية معك،
وبتاخد حاجاتك وأوراقك وبتدخل على طرقة وتطلع درجتين، ثم تنزل سلم دائرى،
فى آخر السلم تحت فى واحد منتظرك بيديلك رقم، وهو ده رقمك اللى هتتعامل به بالداخل-
بعد ما بتدخل فى كراسى أمامك، حاول تختار كرسى فى الصف الأول علشان تبقى حر الحركة عند النداء على رقمك،
لو مفيش كرسى فى الأول مفيش مشكلة، الشبابيك بتاعت المقابلة قدام على اليمين،
فى ثلاثة ظاهرين والباقى فى طرقة بجوارهم، تقريباً فى لحد 11 شباك.
على شمالك حوالى ثلاثة كمبيوترات للى عايز يعمل نموذج التقديم للسياحة والزيارة،
والأجهزة بتبقى مفتوحة ومتظبطة على الموقع المطلوب، وفى طابعة علشان تطبع بعد ما تخلص تسجيل
بجوار الطابعة طرقة صغيرة توديك على الحمام،
أمامك شاشة تلفزيونية بتعرض أخبار وكلام عن السفر لأمريكا والاستثمار والدراسة فيها
.بجوار الشاشة هتلاقى شاب أو شابة بيساعدك فى ترتيب أوراقك.
وهو بينده على الأرقام اللى معاكم علشان العملية تتم بنظام،
لو إنت متأكد من أوراقك من الممكن أن لا تذهب إليه وتطنشه، ولكنى لا أنصحك بالكلام ده،
علشان لو فى حاجة ناقصة فى أوراقك، هو هيساعدك، أو لو فى غلط فى النموذج اللى بيتعمل على النت تلحق تعمله على جهاز من الأجهزة الثلاثة اللى على الشمال،
ولا تتردد أن تسأله أى سؤال فى الأوراق، ولكن لا تطلب منه أن يكتب بدلاً منك، لأنه لا يستطيع ذلك،
فهو هناك ليساعدك فقط.
بالنسبة لفيزا الـ k1 أو ال k3 لن يساعدك هذا الشاب فى ترتيب أوراقك،
لأنك بالفعل أرسلت أوراقك من قبل عن طريق الـ DHL وصور من الأوراق.-
بالنسبة لفيزا الـ k1 أو ال k3 المفروض أنك تحضر معك أصول الأوراق التى قد أرسلت صورها من قبل وتحضرها معك فى المقابلة، وكذلك الصور الفوتوغرافية التى بينك وبين خطيبتك أو زوجتك، وأهلك طبعاً معاكم فى بعض الصور، وطبعاً صور فى مدينتك وفى أى مكان اتفسحتم فيه، ولو أمكن صور أصدقائك معكم- الفترة التى سوف تنتظرها فى السفارة طويلة، فحافظ على هدوئك، وركز فى ثقتك فى نفسك- سوف تسمع الأرقام ينادى عليها فى الميكروفون،
ركز فى رقمك والشباك اللى بيقولوا عليه فى الميكروفون علشان تروح على رقم الشباك صح-
بالنسبة لفيزا الـ k1 أو ال k3 سوف ينده عليك ثلاث مرات
أول مرة ستسلم الصور وسوف تدفع فى الـ DHLثانى مرة لأخذ البصمات
ثالث مرة وسوف ينده على اسمك هذه المرة (وهذه هى المقابلة فاستعد)
ودى بتتأخر فلا تقلق، من 1:30م تقريباً وحتى 2:30م-
استكمالاً لمايجب أن تفعله فى المقابلة- أوعى تستخدم الكلمات التى فيها احتمالات-
خلى كلامك مؤكد ولا شك فيه يعنى إيه الكلام ده؟!!!أقولك يعنى إيه يعنى لا تستخدم مثلاً كلمةI think Maybe If that happen then i'll do this or that خلى كلامك مقنع، وتكون واثق من كل كلامك لو إنت دارس لطرق التسويق والمبيعات هتفهم كلامى، ولو إنت مش دارس برضه هتفهم كلامى وأنا حاضر وموجود لأى سؤال إن شاء الله، وإن شاء الله أجاوب على قدر المستطاع إن شاء المشاركة القادمة سيكون فيها بعض الأسئلة المتعارف عليها التى من الممكن أن يسألها لك القنصل فى حالة الـ k1 أو الـ k3
وفقنا الله جميعاً

الثلاثاء، 26 أغسطس 2008

معلومات مهمة جداً لمن عنده مقابلة فى السفارة الأمريكية أو أى سفارة


بسم الله الرحمن الرحيم
أخى ... أختى المقبل أو المقبلة على مقابلة فى السفارة الأمريكية أو أى سفارة سنتكلم هنا عن موضوع مهم لم يتطرق إليه أحد بالتفصيل،
ألا وهو
........الثقة بالنفس
كثيراً من الأخوة يقول لك يجب أن تثق بنفسك
وهذا كلام جميل ولكن ما هى علامات الثقة بالنفس؟؟؟!!!
كيف أظهر ثقتى بنفسى؟!!!
يجب أن تعرف تماماً أن القنصل أو موظف السفارة قام بمقابلات كثيرة مع من هم مثلكما يجب أن تعرف
وهذا الأهم أن هذا القنصل دارس لعلم النفس ويستطيع أن يعرف الكثير عنك من علامات قد تظهر عليك أثناء المقابلة
لا تمل وأكمل الموضوع للآخراللى جاى فيه المفيد
طيب يا عم إنت بتقول إنه ممكن يعرف الكثير عنى من علامات قد تظهر علي أثناء المقابلة
زى إيه من العلامات دى؟!!!
كلنا قبل المقابلة بنكون خايفين وقلقانين وهذا صحى وكويس
ولكن الغير صحى أن يظهر هذا القلق على وجهنا وانفعالاتنا
بداية كل المطلوب منك
1- أن تركز فى المعلومات بتاعتك يعنى لو إنت مثلاُ مقدم على فيزا K1 أو K3
فيجب أن تعرف المعلومات المهمة عن خطيبتك (خطيبك) أو زوجتك (زوجك)
2- ملابس شيك (الملابس تؤثر كثيراً فى ثقتك فى نفسك)
الملابس لا يجب أن يكون مبالغ فيها، فلا تلبس تى شيرت عليه علم أمريكا مثلاُ
3- الثقة فى النفس .... كلنا بنقول الثقة فى النفس مهمة ولكن كيف أظهر ثقتى فى نفسى؟؟!!!
فاكر لما قلت لك إن القنصل دارس لعلم النفس
آه فاكر ....
الحمد لله إنك فاكر ...
لأن هذه الجزئية هى الأهم المطلوب منك أن تتدرب بينك وبين نفسك قبل المقابلة على الآتى:
إن تطلب الأمر أن تنظر إلى المرآة فلا تتردد
1- يجب أن تنظر إلى عيني القنصل أغلب الوقت وأن ترسم ابتسامة خفيفة على وجهك،
وحاذر من ظهور القلق على وجهك
2- المفروض إنك مركز كويس فى الأسئلة والمعلومات فلا تنظر إلى الأسفل أو إلى الأعلى
كأنك تبحث أن شئ فى الماضي أو كأنك تألف الإجابة
(كل حركة للعين لها معنى فى علم النفس)
3- الإجابة تكون مختصرة، فلا تعطى معلومات زيادة من عندك
4- حاول ألا تأتى بحركات تدل على انفعالاتك وقلقك وهذا يأتى بالتدريب
(يستحسن ألا تتحرك كثيراً فكل حركة من حركات الجسم لها معنى فى علم النفس أيضاً)
كل ده وأنت محافظ على هدوئك وإبتسامة خفيفة وأنظر إلى عيني القنصل أغلب الوقت
5- التحدث بطريقة لا تدل على القلق ولا الخوف من القنصل،
وبطريقة محترمة فى نفس الوقت
ملاحظات هامة:-
هناك فترة كبيرة تنتظرها داخل السفارة قبل إجراء المقابلة،
فيجب أن تحافظ على هدوئك، ويستحسن لو أحضرت معك عصير أو أى أكل خفيف لأن المدة كبيرة،
وهناك كافيتريا ممكن تشترى منها ولكن أسعارهم الضعفين-
أى ورقة أرسلتها إلى السفارة أو عندهم منها نسخة يجب أن تعرف محتوياتها وماذا تحوى من معلومات،
وخاصة الأوراق التى تخص خطيبتك أو زوجتك،
فى الغالب ستسأل عن بيانات ومعلومات وردت فيها-
بداية المقابلة:
فى بداية المقابلة تبدأ بتحية القنصلHi or Hello
مع ابتسامة خفيفة-
نهاية المقابلة:
أياً كان إحساسك بإقتناعه أو عدم إقتناعه بكلامك فلا تتردد أن تنهى المقابلة بإبتسامةthank you
وأخيراً لكم منى جميعاً كل التمنيات والدعوات بالتوفيق والله أسأل أن يجعل هذا الموضوع لى وليس علي وأن يهبنى القبول من عنده وأرجو منكم الدعاء لى بالتوفيق ومن استفاد من الموضوع عملياً ووفقه الله فى مقابلته أن يفرحنا هنا جميعا لكم منى كل الود والاحترام

تأشيرات الهجرة

هناك اربعة طرق يمكن من خلالها ان تكون مؤهلآ للهجرة للولايات المتحدة الامريكية‏:
اولا: ان يكون لديك قريب من الدرجة الاولى و ان يكون مواطنآ امريكى او حاصل على الاقامة الدائمة و ان يكون مستعدآ للتقدم بطلب هجرة نيابة عنك‏.‏ اذا كان والدك او والدتك او اخوك او اختك او زوجتك او زوجك او ابنك الراشد يحمل الجنسية الامريكية فيمكن لهذا القريب التقدم بطلب هجرة نيابة عنك‏.‏ اذا كانت زوجتك او زوجك حاصل على الاقامة الدائمة فيمكنة ان يتقدم بطلب هجرة نيابة عنك‏.‏ اذا كنت غير متزوج ووالتك او والدك حاصل على الاقامة الدائمة فيمكن لهذة الولدة او الوالد ان يتقدم بطلب هجرة نيابة عنك‏.
‏ثانيآ‏:‏ اذا كانت لديك خطيبة او خطيب يحمل الجنسية الامريكية فيمكن لهذا المواطن ان يتقدم بطلب تاشيرة خطيب او خطيبة نيابة عنك‏.‏ يمكنك تغير هذة التاشيرة لتاشيرة هجرة اذا تم الزواج خلال 90 يوم من دخولك الولايات المتحدة الامريكية‏.
‏ثالثا‏:‏ لابد ان يكون هناك صاحب عمل فى الولايات المتحدة الامريكية مستعدا للتقدم بطلب هجرة نيابة عنك‏.‏
رابعآ‏:‏ ان يتم اختيارك من خلال برنامج الهجرة العشوائية التى تجرى سنويآ‏.